This text is part of:
Search the Perseus Catalog for:
Click on a word to bring up parses, dictionary entries, and frequency statistics
5. Sed cum in eo magnus error esset, quale esset id dicendi
genus, putavi mihi suscipiendum laborem utilem studiosis,
mihi quidem ipsi non necessarium.
[14]
converti enim ex
Atticis duorum eloquentissimorum nobilissimas orationes
inter seque contrarias, Aeschini et1 Demostheni; nec converti ut interpres, sed ut orator, sententiis isdem et earum
[p. 2088]
formis tamquam2 figuris, verbis ad nostram consuetudinem
aptis. In quibus non verbum pro verbo necesse habui
reddere, sed genus omne3 verborum vimque servavi. Non
enim ea me adnumerare lectori putavi oportere, sed tam-
quam appendere.
[15]
hic labor meus hoc adsequetur4, ut nostri
homines quid ab illis exigant, qui se Atticos volunt, et ad
quam eos quasi formulam dicendi revocent intellegant.
'Sed exorietur5 Thucydides; eius enim quidam eloquentiam
admirantur.6' Id quidem recte; sed nihil ad eum oratorem
quem quaerimus. Aliud est enim explicare res gestas nar-
rando, aliud argumentando criminari crimenve dissolvere;
aliud narrantem tenere auditorem, aliud concitare7. 'At
loquitur pulchre.'
[16]
num melius quam Plato? Necesse est
tamen oratori quem quaerimus controversias explicare8
forensis dicendi genere apto ad docendum, ad delectandum,
ad permovendum.
1 et add. Orelli: om. codd.
2 tamquam codd.: atque Hedicke
3 omne Hieronymus: omnium codd.
4 adsequetur Ascensius: adscquitur codd.
5 exorietur GP: exoritur codd. deft. ct ed. Norimb.
6 admirantur vulg.: admiratur GP
7 concitare Aldus: concitantem codd.
8 explicare Aldus: explicantem GP: an explicantem ... genere uti apto? Friedrich
M. Tullius Cicero. M. Tulli Ciceronis Rhetorica, Tomus II. A. S. Wilkins. Oxonii. e Typographeo Clarendoniano. 1911. Scriptorum Classicorum Bibliotheca Oxoniensis.
The Mellon Foundation provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.